معليش همومنا اكبر من تطلعاتنا

bektache · مشاركة رقم : 1 11/07/2007, 08:26 AM

بسم الله الرحمن الرحيم

السلام عليكم ورحمة الله وبركاته

معليش نهدروا بالدارجة هي المليحة فالهدرة و يعبر الواحد مليح على واش كاين في قلبو

في skype لقيت بزاف ناس و للاسف من الجزائر يسبوا فيها

تعجبت كيفاش يسب بلادنا و توال ناس غرباء عنا مثل المغاربة و التوانسة

لما سقسيتهم لاه تسبوا الجزائر قالولي ما ستنفعناش منها

الله اكبر بلادك رباتك و قراتك واعطاتلك الي هو غالي علينا الحرية

معليش اسمحولي بلادنا غالية بزاف علينا و لازم نشرفوها في الخارج مهوش نسبوها

حتى كيما راهم يقولوا الناس هذوا - الله يهديهم - بلادك بلادك و مكانش بلاد تهزك قد الجزائر

و حتى الي خرجوا من دزاير مزالت في قلوبهم وردة و حابين يستقروا فيها

هذا ما عندي خاوتي و خواتاتي و الله من وراء القصد للنصح و الارشاد فقط

و السلام عليكم و رحمة الله و بركاته

الجزاير دايما في قلبي

magginto2022 · مشاركة رقم : 2 11/07/2007, 02:35 PM

و الله أثلجت صدري بقولك الكريم هذا و هذا يبين مدى حبك لبلادك الغالية
نعم لاقيت مجموعة من هؤلاء ضعاف القلوب و ضعاف الشخصية ينتظرون أن تعطيهم بلادهم عملا كبيرا مريحا و قصرا فاخرا و سيارة أخر موديل و.........
هؤلاء الجزائرين بين قوسين لم يعطوا لبلادهم و لو دراسة عالية و لا دبلوما تنتفع به و لا سواعد تبنى ينتظرون العشاء بدون أن يعملوا طول النهار
بارك الله فيك تقبل تحياتي